d / rom / it

Suttascrivi ussa l’Iniziativa dil pievel cantunala encunter la discriminaziun!

Tut las persunas cul dretg da votar el cantun Grischun astgan suttascriver. Tut las indicaziuns silla gliesta da suttascriver (num, prenum, etc.) ston vegnir emplenidas o sez ed a maun dalla persuna che suttascriva per che la suttascripziun seigi valeivla!

Suttascriver l’iniziativa!

Iniziativa dil pievel cantunala

“Pagament da prestaziuns publicas cun daners bluts (Iniziativa encunter la discriminaziun)”

Pertgei quella iniziativa dil pievel?
Schar pagar mo digital ni cun daners bluts mo entras sistems complicai (sco p. ex. il sistem Venda) ni entras sviadas, vul automaticamein dir discriminar e sclauder persunas. Encunter quei svilup ch’ei daventaus realitad sil palancau statal el cantun Grischun semetta quell’iniziativa en – per che negin vegni pli discriminaus! Omisdus duei esser pusseivel, sche menaschis e survetschs vegnan pagai (per part) dil pagataglia: il pagament digital ed il pagament cun daners bluts.

Pli e pli bia persunas ch’ein surdumandadas cun fuormas da pagar digitalas e persunas, dallas qualas ins sa buca spitgar ch'ellas paghien digital, vegnan discriminadas el Grischun. Igl access a purschidas dalla veta publica sco il diever digl auto da posta, da parcadis publics ni da tualettas publicas vegn fatgs nunpusseivels ni engrevegiaus considerablamein. Tier las persunas che vegnan discriminadas s’audan:

• Persunas pli veglias, denton era biaras (pli) giuvnas, ch’ein surdumandadas cullas fuormas da pagar digital, sco per exempel cugl automat Venda els autos da posta ed els bus
• Persunas cun impediments (spirtals) che san buca pagar digital, che astgan denton mai vegnir serradas ora
• Affons – dils quals ins sa buca spitgar ch’els paghien cul telefonin ni cun cartas
• Persunas cun disavantatgs socials che han pervia da motivs finanzials buca la pusseivladad da pagar digital
• Persunas che vulan buc ir en la resca da criminalitad da cyber e che pagan orda quei motiv buca digital

Tgei effectuescha l’Iniziativa encunter la discriminaziun?

• Che omisdus ei pusseivel el cantun Grischun, leu, nua ch’il pagataglia finanziescha (per part): da pagar digital E cun daners bluts
• Che negin vegn discriminaus pervia da fuormas da pagar mo digitalas – per exempel egl auto da posta, els bus, sin parcadis publics, tier las tualettas publicas e tier tut ils ulteriurs survetschs publics
• Ch’il pagament cun daners bluts vegn acceptaus tier survetschs publics senza sviaments (sco per exempel apps, variantas da prepaid, codes da QR ni sviaments fisics)
• Tgei che l’Iniziativa encunter la discriminaziun pretenda BUC, ei che l’economia privata stoppi era acceptar daners bluts

Cargar giu igl entir argumentari

Il text dall'iniziativa

«En il rom da las cumpetenzas chantunalas e communalas procura il chantun, ch'i vegnia purschida almain ina pussaivladad da pajament adequata en daner contant (med da pajament legal) per pajar taxas chantunalas e communalas sco er per far diever da prestaziuns ed infrastructuras chantunalas e communalas. Il legislatur regla las excepziuns per motivs predominants da la segirezza, da la protecziun cunter abus u da la nunrealisabladad tecnica.»

Comite d'iniziativa

Berta Caminada, Ingrid Albin, Lucia Alpiger, Martin Berthod, Rafael Camenisch, Renatus Casutt, Dr. Regula Cathomas, Mario Cortesi, Gion-Fluregn Hassler, Ronny Krättli, Martin Monn, Lucia Netzer, Adrian Riedi, Ursina Trepp

Contact

Iniziativa encunter la discriminaziun
Berta Caminada
Via Crest 22C
7402 Bonaduz
e-mail

Star sil current

S’annunziei per nossas novitads e survegni las novas davart nossa iniziativa en vies caum postal dad e-mail.

Vossa donaziun ei impurtonta

In’iniziativa dil pievel cuosta bia. Perquei ei il comite d’iniziativa fetg engrazieivels per mintga sustegn finanzial, era per pigns – cordial engraziament!

Nies conto per donaziuns ei:

Berta Caminada
Via Crest 22C
7402 Bonaduz
IBAN CH44 0077 4010 3973 3460 5